تم بعون الله تعالى صدور ديوانى ألأول بعنوان صرخهوذلك فى بداية شهر رمضان الكريم لعام 2010
وتضمن الديوان عدد68 صفحه تشتمل على عدد24 قصيده عاميه وكان من اشهرها قصيدتا تصاريح .. تخا
تخاريف وقصيدة اسكندريه التى اعتز بها من ضمن قصائد الديوان
اسكندريه
---------
اسكندرية ..... اسكندرية
كلكوا بتقولوا هيه
هو فيه فى الدنيا غيرها
الجميله المستحيه
قوللى مين غيرها صبيه
دا الجمال مش بس غيه
واحلى حاجة فيكى هيه
انك انتى اسكندرية
اسكندريه محيرانى
الجمال فيها اسمرانى
والحلاوه مجننانى
ده البلدى يوكل والصبيه
تبقى هيه اسكندرية
===================
رديت انا وبرضه ليا
فى الجمال نظرة وغيه
ده الجمال مش بس ميه
ولا شط برمله صفره
ده الكلام منها هديه
للطلاينه والتوانسه
والفرنجه فيها تاهوا
لما عرفوا ان هيه
ام المدن اسكندرية
==================
بيرم وسيد عاشوا فيها
وبجمالها غنوا ليها
والرومان حطوا لنا فيها
كنوز ملينا الدنيا بيها
وبإسمها غنينا دايمآ
من ميامى للشقافه والعطارين
للحضره والمكس وعامريه
احلى شط شط اسكندريه
===================
عشرين . تلاتين. سبعين
مدينة بأسمها
بس هى بأصلها
باقيه بناسها واهلها

المعجونين من ارضها
طيبه ومحبه كلها
مسلم وقبطى يحبها
بحلوها وببردها
بتلم كل اصحاب لها
ست الموانى اسكندريه
==================
من زمان اسمعها ....... غنوه
شط اسكندريه
وانا بين شطين وميه
باحن لك يامريه
صيفها يلبس توب جميل
العبايه من مراكش
والخدود ورده نديه
والقدم سعد وسعاده
واللى احلى الجلابيه
والبنش فى ابو قير وبحرى
بيقول انا عنوانى هو
اغلى موانى الدنيا ديه
بلدى وحبيبتى اسكندريه
====================
قلتوا فيها كتير وقالوا
حتى العليل دى موصوفاله
نسمة هوا ع الصبح صاحيه
تخللى كل الجسم عافيه
لما تاخد ع الصبح شمه
من هواها ومن عبيرها
والغدا بورى فى لمه
والسهر على قهوة بلدى
فى العطارين والزنقه ضمه
كل الحبايب والقرايب
يتمنوا ليلها لحد بكره
وبكره ييجى وهى برضه
ام الكرم اسكندرية
==========================
عرفتوا ليه كلنا بنقول دى هى
ست العرايس والمصايف
شابه عمر الشيب ماطالها
حتى الغزاه
حلفوا بجمالها
وقالوا عنها ان هيه
السحر فيها ودى مش قضيه
القضيهانها
تفضل جميله ومستحيه
دى
اس
كند
ريه
====================