القمـــــــــــــــــــر

انا لم كنت شاعــــــــــر
ولابنسج مواويــــــــل
اناكل همى ارتــــــــــوى
من بحرنا والنيــــــــل
لفيت وسط الحـــــــــوارى
والعطوف فى الليــــــــل
ادور على بحـــــــــــــر
اركن عليه واميـــــــل
لقيت القمر بيطلــــــــع
لما تكون الضلمـــه دليــل
------------------------

صفيح مغشوش
----------
النت كله كلام مغشوش
اسماء كبيره وياما وشوش
تلاقيه بياكل فول مدشوش
وف إيده شوكه دهب مغشوش
--------------------
دخل عليا ف مره وقاللى
سلام ياصحبى بوش بشوش
رديت وقلت له اهلا يللى
بقيت مصاحب الف وجيش
قلت اتعرف يمكن القى
صديق ماكلش معايا العيش
قال انا صاحبك وحكون سعدك
من غيرك انت ازتى انا اعيش
قلت بدأنا الغش وليه
تاخد صوره من غير فيش
-------------------
واحد تانى اسمه سيد
قلت اهو راجل يبقى صديق
ممكن يعنى يكون ويايا
لما احس ف مره بضيق
قلت اصارحه بللى واجعنى
يمكن الاقى منه رفيق
قام وسألنى اسمك ايه قلت اقوله يكون لى شقيق
وعرف اسمى كمان عنوانى
يمكن يطاع اخ حقيق
قام وسألنى عن احوالى
قلت الحاله فقر وضيق
أبدى اسفه وقال مش حقدر
اصاحب واحد فقر خنيق
----------------
واحد تانى اتعرف بيا
اسمه سامى سعد شريف
قال انا شفتك قلت اتعرف
اصل انا حبى لمصر عفيف
قلت انا مصرى وحفضل عربى
مهمن كان الضغط عنيف
قال انا اعرف ان المصرى
دايمآ يكرم برضه الضيف
انا جربت كرمكوا معايا
لماكنت ظابط فى الجيش
رديت قلت اكيد مش مصرى
قاللى انا عايز بس اعيش
اهلى قالولى حارب واحلم
تلقى سينا ارض العيش
قلت له اوعى يكون ده كابوس
وانت واحلام اهلط طيش
انت حاربت كمان جربت
ان المصرى زيه مفيش
راجل يعرف اصل الارض
من غير شرفه ازاى حيعيش
اصل بلدنا علينا غاليه
واللى اغلى منها مفيش
ده اللى يقرب منها بشر
مش راح يقدر ثانيه يعيش
قلت له اسمك ايه بصراحه
قال انا اسمى ديفيد صرفيش
-------------------
بس وكانت هى المره
منها عرفت النت وشوش
منها الصالح فيها الطالح
منها اللى بيلدغ بشويش
اصل النت ده فيه مغشوش
يا ما تلاقى منه وشوش
فيها برونز وفيها الفضه
فيها صفيح وكمان مغشوش
النت صفيح وكمان مغشوش
------------------------- عادل ادريس
11/11/2011

أكـــــــــره
______________

مش حقولك...... بكرهـــك

ولا حتى قلبى...... حيهجرك

أكره وحاول تنسى مــــره

ان قلبك......يجــــــبرك

وافتكر برضه،،،،،، الحنان

والسعاده.......والخصام

والليالى اللى كنـــــــنا

نعدها بسنين...... غرام

أ كره وحاول تنسى .... مره

ان حبك ....... يجبرك

+++++++++++++++++++++++

مش حقولك حبى كــــــــــان

كل السعاده..... والحنــان

والخلاف كان بيننا دايمــــــآ

أدى أيه .... وآخد بكـــام

الابتسامه ........ بشتريهـــا

والسعاده .....مش لقيهـــا

والحنان كان عندك.... ....انت

بس بعته من زمــــــــــــان

مش حقولك ........ بكرهــــــك

ولا حتى قلبى هيهجـــــــــــــرك
++++++++++++++++++++++++++++

إكره وحاول تنسى مــــــــــره

ان حبك يجبــــــــــــــــرك

تسعد وتخلص.... برضه تانــــــى

زى ما كنـــــــــــــــا

زمــــــــــــــــــان
+++++++++++++++++++++++++++++

مركب واحد

----------
بيت واحـد...... ألم واحد
جرح يخلى..... كلنا واحـد
مسلم قبطى..ده مصرى حقيقى
دم بيجرىف شريان ..واحــد
حبى لخويا.... حبى لدينـــى
واللى يحاسب... ربنا واحـد
صاحبى وجارى... لحزنى يدارى
مصرنا واحده.. عدونا واحد
فكر غشيم.... حقد قديـــم
علشان شايفين... اننا واحد
حرب اكتوبر ... جمعت أمــه
فيها بطرس واحمد ... واحد
وهبوا حياتهم . فدا لبلادهم
ماتوا ينادوا الرب الواحد
اوعوا تقولوا مصر ..انهارت
مصر قضية ارهاب.... واحد
ثابتين برضه . مهما يحاولوا
أخوات احنا ف مركب واحـــد
أخوات احنا
فمركب واحد

لسه قاعديــــــن
شيوخ العــــــرب
اللى عايشيـــــن
من زمان
متحكميـــــــــن
الغرقانيـــــن فى
بحر الفلس والطيـن
لسه قاعديــــــن
بعد العروبـــــه
ماكانت حلــــــم
لكل ديـــــــــن
شيوخ العــــــرب
المتفرنجيــــــــن
ولسه بيقولوا كلام
للمخدوعيـــــــن
مدهون بزبـــــده
وف عينه كحلـــــه
واللى مش عاجبـــه
يزور سجون الجلادين
ولسه مصدقيــــــن
ان العروبه ســـلاح
يقلع جدور الأفاقين
والمارقين
والخارجين
عن قانون الحالميــن
ولسه برضــــــــه
مصدقين
ان العروبه والكفاح
للكلام متعطشيـــــن
وده مش كلامى
ده هو احساســــــى
واحلف معاكوا
ميت يمين
ان السلام لو ليه وطن
يبقى بعيد عن زيــف
عقول العاجزيــــــن
ولسه بيقولوا كلام
ميقولوش غير كل
جبار
من سنيــــــــــــن
لسه لابسين البـــــدل
وبالشيلان الخضــــــر
وبحزام الحـــــــــزن
محزمين
وعازمين
لتكون حروبهــــــــم
ضد كل الطماعيـــــن
ضد كل محتال غشيــــم
لو بس مره يفكر . انه
يلمس ..........
حدود
بلاد المؤمنيـــــــــن
القابعيــــــــــــن
تحت سلطان .... ألأمير
بس دوله جنس تانــــى
مــــــــــــــــــش
أميـــــــــــــــــر
دوله همه نفس الجلادين
اللى لابسين...... بــدل
وبالكلام.... متشيكـــن
والعروبه عندهم
نفط ..........ونهود
وصدور بتحمى
عرش الأميــــــــــــن
لسه بيقولوا عرب
والعروبه من زمـــــان
كانت
بيبان متفتحـــــــــه
وحضن دافى ....... يلم
شمل الهاربين
من ظلم........ سلطان
او غدر......... جاحد
من ملوكنا
الشياطين
اللى قاعدين
اللى لسه قاعدين