الجمعة، 5 فبراير 2010

برجك إيه

برجــــــــــــــــك إيـــــــــــــــه
=============
أنا نفسى أعرف حضرتـــــــــــــــــك
من برج إيـــــــــــــــــــــــــــــــــه
كل صبح تفتش الجرنــــــــــــــــــان
حتشوف فيه إيــــــــــــــــــــــــــه
القوس ولا الحمـــــــــــــــــــــل ولا
ألأسد وحيفرق إيــــــــــــــــــــــه
ياللى تشوف البخـــــــــــــــــــــــت
هو البخت كان مالــــــــــــــــــــه
دى كلمه كتبها القــــــــــــــــــــــدر
واحنا اللى خدامـــــــــــــــــــــــه
بعرقك وجهدك افتخـــــــــــــــــــــر
وصلح م الزمن حالــــــــــــــــــه
ده حظك وبختك فى السمـــــــــــــا
كتبه المولى سبحانــــــــــــــــــه
وانت اللى تبنى حياتــــــــــــــــــك
مش كلمه فى الجرنـــــــــــــــان
إتعب واشقى بعـــــــــــــــــــــــرق
لجلن تكون انســــــــــــــــــــان
وابنى مستقبل حياتـــــــــــــــــــك
وابعد عن الفنجـــــــــــــــــــان
أصل التواكل عمــــــــــــــــــــــره
ما يعدل الميـــــــــــــــــــــزان
حظك وبختك نصيبـــــــــــــــــــك
مهما تقول قد كــــــــــــــــــان
ده البخت أصله دجـــــــــــــــــــل
من بدعة الشيطـــــــــــــــــان
ورسولنا قال انه كفــــــــــــــــــر
من يشرك مع المنــــــــــــان
ورسولنا قــــــــــــــــــــــــــــــــــال
انه كفــــــــــــــــــــــــــــــــــــــــــر
من يشــــــــــــــــــــــــــــــــــــــرك
مع المنـــــــــــــــــــــــــــــــــــــان
=========================
عادل ادريس







مرسلة بواسطة في هناك تعليق واحد:

الخميس، 4 فبراير 2010

هـــــــــــى فوضـــــى
هيه فوضى ولا ايـــــــــــــه
تروح وتيجى طب وليــــــه
انت عارف انك...انــــــت
لما تبعد ......تبقى ايـــــه
تبقى قاسى... تبقى غــادر
تبقى مش عـــــــــــــارف
بحبك قد ايـــــــــــــــــــــه
=====
حبى ليك كان من زمــان
قبل ليلى وقيس .. كمان
لما كلنا البرتقـــــــــــان
والدره ع النيل ونمشـــى
ويا المراكب وبعينينـــــا
نشوف حلاوة حب كان
لساه مشعلل قلبنـــــــــــا
هى فوضى ولا ايــــــــه
===
يللأ بينا نحب تانــــــــــى
أدينى حبك شوف حنانى
مش حاحاسبك ع اللى فانى
ده انت عمرى تقولى ليــــه
هى فوضى ولا ايــــــــــــه
=====
أنسى فيك طبع المناكفـــــه
ولا ضحكه برضه صفـــره
هى فوضى تحب نفســــــك
بس نفسك
وانا عايش ليك لوحــــــدك
انت وحدك
هى فوضى ولا ايـــــــــــه
تروح وتيجى طب وليه
انت عارف انك انت
لما تبعد تبقى ايه
تبقى قاسى
تبقى غادر
تبقى مش
عارف
بحبك
قد ايه
========
عادل ادريس adel october2008@yahoo.com
مرسلة بواسطة في ليست هناك تعليقات:

هذه صوره لى مع اصدقاء النادى
اثناء زياره الى النادى الاهلى فــــرع
مدينة نصــــــــــر .
قصيده مهداه الى المنتخب القومى عقب فوزه بكأس ألأمم ألأفريقيه بأنجولا 2010
========
طبل وارقص ع المزمــــــــــــــــار
أصل فريقنا المصرى ده نار
حرق ألأحلام .. بدد الاوهـــــــــام
جاب التالت عال العــــــال
أرقص ..أرقص ياحضــــــــــــرى
كعبك عالى على ألأفيـــا ل
رقص حاور ياجـــــــــــــــــــــــدو
خلى الدنيا تعيش فى خيا ل
والصخره الصلبه اسمها وائـــــل
ما وقفش قصادها اى محا ل
ده السد العالى فى اســــــــــــوان
والسد التانى حضرى يا خا ل
اصل الفرقه دى متربيــــــــــــــه
وحسن قاد احسن الاجيال
والله يا شحته يا حتة سكــــــــر
دقنا معاك فرح ألأبطـــــــــــال
بركة سيدنا النبى بلسانــــــــــك
تحميك مهما عزولك قـــا ل
زاهر وشه علينا منــــــــــــــور
هل علينا فى كوت دى فوار
جاب الفرحه ويا شحاتـــــــــــه
فارس باسل قول مغوار
زرع الحب فى قلـــــــــب ولاده
وامه دعتله ف وسط الدار
مصر دعت لك ومعاها اهلــــك
يحميك يا حسن م ألأشرار
وائل .. جدو..حسن وتريكــه
زيدان ومتعب دول ثوار
جابوا الفرحه اهه مصريــــــه
تعيشوا دايمآ وانتوا كبار
بادعى يارب تكونــــوا ف خير
وابطال بشهادة الاخيار
فرحه كبيره ومستنيهــــــــــا
مبروك مننا للأبطـــــال
وآدى كبيرنا بيستقبلكــــــــوا
أصله بطل يعشق الابطال
عادل ادريس
0126497650


مرسلة بواسطة في ليست هناك تعليقات:

الأربعاء، 3 فبراير 2010

حريه

قاعد فى يوم العصريـــــــــــه
سمعت غنوه شجيــــــــــــــه
حنيت صحيح للماضى
والسهره للصبحيه
أسمع واشوف بودانى
الست لمه الدنيه
تقول كلام فى الغزل
والحب والحنيه
وكلام كتير اتوصل
بالعشق فى ألألوهيه
اقول واردد وراها
يا ست للصبحيه
كلامها منه اتعلــــــــــــم
الترزى واستاذ الكليه
تشوف دلوقتى الكليــــــــــب
ويقولوا عليه اغنيه
بنات وصبايا بتتمايـــــــــــل
على كلمه لو غجريه
كله النهارده يغنـــــــــــــــى
بموسيقى هستيريه
فين الخشا والاحتـــــــرام
يا ياسين وبنت بهيه
من كل البلاد بيغنــــــــوا
والكلمه هيه هيــــــــــه
لا فيه كلام ولا معنــــــى
دى مصيبه متداريه
خمسين قناه وقنـــــــــاه
كلهم اباحيـــــــــــه
هو يا نــــــــــاس الادب
ما وصلشى للفضائيه
ولا جذورنا اتنســــــــت
مع هيفا والعجرميه
اصحوا يا عالم بقـــــــه
واتحققوا فى النيه
شبابنا مش ناقص اذى
وكفايه بقى حريه
==========
عادل ادريس
adeloctober2008@yahoo.com


مرسلة بواسطة في ليست هناك تعليقات:
تخاريف ...... تصاريح
********
أقرا الجرايد واتعجـــب
واللى قريته امبارح
اتجدد .........
عند الكوره قول
ماتحـــــــــدد
اتحادها يمشى
ولا يمـــــدد
وفريقنا عيوبه
لا تعدد
انا شفت فريقنا بينهار
والرجاله قاعده تعدد
واقرا الجرايد واتعجب
مانشيت كبير وملون
الاسعار راح تنهار
ييجى مسئول ويروح
وكلامه هو المعيار
لا الاسعار نزلت مره
ولاحتى وزيرنا انهار
قالوا السودانى فى المطار
قلت يا محلاها ابقار
لاشفنا اللحمه ولا اخواتها
ولا حتى سودانى ولا فشار
واقرا الجرايد واتعجب
************
ميت مشكله قدامى ولا اتحلت
م التعليم للتموين للاسكان
واللى اتقال عمال يتقال
عمرى ما شفت الطفل ف كى جى
سنه الرسمى خمس سنوات
والتعليم كده ماشى بالكاشى
واللى معوش نعتبره مات
ده التعليم دلوقتى ياعالم
للى معاه افة ريالات
*******
رحت الفرن ونفسى ف عيش
قالى اقف جنب الستات
وانا كان نفسى اكل العيش
اللى الخمسه بخمس شلنات
اصل وزيرنا امبارح قال
العيش متوفر عبى وهات
قلت انا واقف حاخد دورى
وابعد برضه عن الستات
وانا كان نفسى لو كان عندى
بدل الست تلات ستات
علشان اقدر اكل عيشى
بدل المره تلاتن مرات
واقرا الجرايد واتعجب
***********
والاسعار ال ايه ده كمان
كله ميسر بلأمكان
أدفع عشرين وحاتسكن
اوضه وفسحه تعيش سلطان
والقسط يادوب حيكون
كل المرتب مهمن كان
قلت الشاب حيعمل ايه
لو ماسكنشى زى زمان
قالوا جدودنا فى الامثال
عمر العدل مايبقى جبان
اصل كلامى ده كان جوايا
لما كنت شاب زمان
واقرا الجرايد واتعجب
*********
وفلسطين فين من خمسين
واحنا بنقرا كلام تسكين
كان تقسيم واحنا رفضناه
وسمعنا كلام التسخين
يا تعبنا وياما ادينا
والرجاله ماتوا فى تشرين
طول عمرنا ندى ونحارب
وعربنا دايمآ نايمين
قالوا خريطه قلت طريق
حيودينا على فلسطين
جالها شارون ومعاه ملاعين
حقنوا فيها بلأسافين
ياسر ده انا ماعرفهوش
قالها وباركه رجال البوش
مات الراجل او مسموم
جه ابو مازن راجل اليوم
واقرا الجرايد واتعجب
************
فى الآخر قلت انا ليه مهموم
مش لازم اقرا جرايد اليوم
احسن حاجه اشوف الجون
بالألوان ع التليفزيون
واتعب نفسى وليه احتاج
ادفع واقرا جرايد الشوم
سبت الجرايد والاعلام
رحت المسجد للرحمن
ادعى واقول يارب كمان
صحى ضمير كل العربان
لاجل ولادنا تعيش فى امان
وتعيش زمن ألأنسان
واقرا الجرايد واتعجب
واللى قريته زمان ما حيتجدد
&&&&&&&&&&&&&&&
عادل ادريس
مرسلة بواسطة في ليست هناك تعليقات:
التسميات:
الاشتراك في: الرسائل (Atom)